告別露宿者住花園洋房
流浪犬Boddby一朝富貴
前露宿者Matthew表示對現時Bobby的生活很放心希望有空時能前往探望牠。
文化中心露宿者的「守護神犬」——三歲流浪狗女Bobby，月前遭漁護署捕捉，幸獲熱心市民和「契媽」清姐「拔刀相助」，才可重獲自由。為免事件重演，前露宿者Matthew和清姐已替Bobby覓得一戶好人家，新主人何小姐透露，牠現時「住得舒適、食得招積」，生活更勝從前！ 林頌愷報道
守護神犬Bobby，上月被漁護署捉走的報道刊登後，得到不少熱心讀者踴躍捐款為牠贖身，有的更前往文化中心探望牠。不過，最近Bobby芳蹤杳然，因為前露宿者Matthew替Bobby找到一位愛心爆棚的新主人何小姐。
萬呎花園作新居
「我睇完報道後，覺得Bobby好可憐，與妹妹一齊去文化中心搵Bobby，點知搵左大半個鐘都搵唔到，好彩見到Matthew，佢帶我去見Bobby，原來Bobby匿埋一角，見到佢�膘閫痧u係好開心，佢真係好得意！」不願上鏡的何小姐憶述初遇Bobby時的情景，流露出雀躍之情。何小姐對Bobby一見如故，決意收養牠，但奈何居於市區，家中更飼養了十隻小貓，實在不便再收養體形不小的Bobby，遂將Bobby寄居於妹妹位於西貢的家。
Bobby的新居是數層高花園洋房，後花園面積約萬呎，地方寬敞，Matthew和清姐曾視察環境，覺得滿意才忍痛將Bobby交予何氏姊妹。
與貓作伴吃貓糧
何坦言，當初擔心Bobby未必願意離開熟悉的文化中心，隨兩名陌生人回家，於是事前連續多天前往文化中心探望牠，幸好Bobby天性樂觀，很快與她倆熟絡起來，「其實Bobby好友善，好容易會跟人，呢個係佢o既優點亦係缺點，我都驚佢會亂咁跟其他人走。」
她笑說，從其他露宿者的口中，打聽到Barbie才是Bobby的真名：「依家我就叫佢做Barbie。」
何小姐笑言，Bobby深受其他「狗友」歡迎：「果度有兩隻狗仔、三隻狗女，但係一隻狗女就好大隻，高過晒d狗公，一隻就好肥，一隻就跛，所以Bobby係最Fit果隻，d狗仔成日圍住佢撩佢玩！」但Bobby反而愛與小貓為伴，晚間與牠們同眠，平日三餐愛吃貓糧而不吃狗糧，令何氏姊妹不禁莞爾。
酣睡鼻鼾聲震天
何說：「我細妹有一晚突然被好嘈o既鼻鼾聲整醒，初時以為有個大肥佬走入來，點知原來係Bobby簕鼻鼾聲，可想而知，佢依家𠳓得幾甜。」關心Bobby的市民，知道Bobby的新生活更勝從前，必定會舒一口氣。