PF HOUSE & 英曲大聯盟 - Powered by Discuz! Board

標題: 好擔心買咗病狗 [打印本頁]

作者: Lew 時間: 2009-8-20 08:13 PM 標題: 好擔心買咗病狗

哎吔！今日行過金魚街間"老虎狗屋"，見到有隻2個月大嘅英曲BB。超可愛+活潑，結果落咗$1000訂，星期六去接狗(因為要清潔屋企先，諗住星期六唔駛返工，就一次過去接狗同睇獸醫)。點知返到屋企上網，大部份人都話"老虎狗屋"專賣病狗。

死啦！依家都唔知星期六去唔去接狗好？(因為佢保證期得兩日，由接走狗狗後起計，尾數重有2千六)，定係撻訂算數？依家好煩+好擔心

作者: sandy@王家3兄妹 時間: 2009-8-20 08:23 PM

又未必嘅.bb狗真係要睇彩數
你小心留意佢多d啦, 記得耍佢食多d野, even有病都易d打嬴
不如你friday去接佢啦, at least有一晚可以睇吓, sat先吉check
不過你唔駛預早同petshop講, 放工咪去啦lor
同埋嗰d 籠呀...真係唔好買,
becos 曲曲大得好快, 買圍欄好過, 至呢dog food佢而家食緊嗰隻就買嗰隻

作者: Lew 時間: 2009-8-20 09:06 PM 標題: 回復 #2 sandy@王家3兄妹的帖子

本身屋企有個新買冇耐嘅籠 (jojo突然死之前約2、3個禮拜買)。我諗住清潔吓先，所以咪諗住星期六先去接狗囉。

你嘅提議都好喎，反正諗住聽晚放工後同老公去睇吓隻狗(佢今日未睇過狗狗)，嚟過突擊檢查，星期六一早帶99去獸醫度check。

作者: joeymak 時間: 2009-8-20 09:59 PM

你真係好好彩，咁快比你遇到曲B，不過佢保證期得兩日，好似少左D，因為狗瘟潛伏期都7日拉！我係隔離佳寶買保證期有14日架，不如同佢傾下，叫佢比多幾日你。
其實養開狗，隻狗有冇病，應該識睇架，如果你覺得佢好活潑，都唔會有大問題，有事都係小事，唔洗咁擔心，最好睇下佢食野同便便。

作者: Lew 時間: 2009-8-20 10:34 PM 標題: 回復 #4 joeymak 的帖子

其實佢話最遲司以25號攞99。但係我覺得如果99咁唔好彩有事，我早D接佢走，帶佢去獸醫度check，都好D丫嗎。

作者: joeymak 時間: 2009-8-20 11:00 PM

咁就梗係早d羅好d拉

作者: PPMOK 時間: 2009-8-20 11:09 PM

我建議你上網睇下有關狗瘟的資料,如症狀,治療,病癒率等.唔好淨係聽寵物店講！

作者: KingKing 時間: 2009-8-20 11:13 PM

我昨天都見到隻英曲呀~~真係好得意

作者: yip999 時間: 2009-8-21 12:41 AM

老虎狗屋向果條街算係最好既寵物店....其如果幾間我諗都無呢問咁好..剩係睇下佢地比其他店乾淨就知..同埋佢地好嚴格.我見過有客想抱隻狗出黎睇..一定要清潔左先可以抱....唔使太膽心...至於身體檢查...最好搵一間穩陣d既診所...出名既vet黎睇...唔好好似我咁...check完好似無check過咁...第二日即有病...仲check到有先天性疾病...你話死唔死

[ 本帖最後由 yip999 於 2009-8-21 12:45 AM 編輯 ]

作者: Lew 時間: 2009-8-21 11:39 AM 標題: 回復 #8 KingKing 的帖子

係咪一隻黑色、一隻黄色? 我就係買咗隻黃色囉！

作者: Lew 時間: 2009-8-21 11:40 AM 標題: 回復 #7 PPMOK 的帖子

我星期六會帶佢去獸醫度check。

作者: Lew 時間: 2009-8-21 11:45 AM 標題: 回復 #9 yip999 的帖子

個店員都叫我洗咗手先抱狗狗。我會星期六帶佢去紅磡獸醫診所到check, 因為之前jojo都係睇佢,嗰２個鬼佬獸醫都檢查得好詳細，睇得出對動物係有heart嘅，起碼俾到信心我。

作者: yip999 時間: 2009-8-21 06:02 PM

QUOTE:

原帖由 Lew 於 2009-8-21 11:45 AM 發表
個店員都叫我洗咗手先抱狗狗。我會星期六帶佢去紅磡獸醫診所到check, 因為之前jojo都係睇佢,嗰２個鬼佬獸醫都檢查得好詳細，睇得出對動物係有heart嘅，起碼俾到信心我。

最緊要check 下d骨..髖關節同膝蓋.有無先天性疾病..呢d問題都好常見..但唔係好多醫生會check..到時你可以問下佢提下佢!!明日帶狗狗回家最好比佢休息下..唔好咁快比佢落地四圍行...先觀察左狗狗一兩日..才比佢出黎玩...到時出下曲曲bb相..我地大家都會好開心

作者: emmadad 時間: 2009-8-21 07:33 PM

Emma 都係老虎狗返黎.. 佢大病就無, 但就有狗房咳.. 其實呢間係旺角算係唔錯.. 起碼佢地唔會買大陸狗, 但小問題就間間都有機會有.. 例如皮膚病或者狗房咳, 始終裏面甘多狗好容易傳染.. 我就第一日見到emma 就帶佢返屋企, 起初都想放佢兩日係到睇下.. 但唸唸下都係唔好比佢係個甘細既狗箱到...同怕始終有衛生問題...

[ 本帖最後由 emmadad 於 2009-8-21 07:35 PM 編輯 ]

作者: KingKing 時間: 2009-8-22 12:02 AM

QUOTE:

原帖由 Lew 於 2009-8-21 11:39 AM 發表
係咪一隻黑色、一隻黄色? 我就係買咗隻黃色囉！

係呀~~佢傻更更好得意

作者: Lew 時間: 2009-8-22 09:31 AM 標題: 回復 #15 KingKing 的帖子

我噚晚去咗接狗狗，隻黑色已經俾人買走咗啦

作者: Lew 時間: 2009-8-22 09:39 AM 標題: 回復 #14 emmadad 的帖子

我噚晚接咗99返屋企啦！今日會帶佢去獸醫度Check。其實我最擔心有狗瘟或者腸病毒(因為得2日保證期，我諗如果99係健康嘅，點解佢哋唔offer 7-14日嘅保證期喎)。我都唔sure佢哋真係冇賣大陸狗。如果只係有小問題有得醫嘅，我就唔擔心。最緊要希望99身體健康啦！

作者: Lew 時間: 2009-8-22 09:43 AM 標題: 回復 #13 yip999 的帖子

好呀！遲D upload相俾大家睇呀! So far 99都食得+玩得+瞓得，重好叫得o添(一唔瞓覺就係咁叫，直到見到有人行埋去同佢玩先收聲，一走開，又叫)。

作者: emmadad 時間: 2009-8-22 10:42 AM

同佢影多D 相呀.. 佢會大得好快... 唔駛太膽心.. 食得訓得便得.. 只要多留意佢氣管同皮膚問題就OK.

作者: sandy@王家3兄妹 時間: 2009-8-22 11:21 AM

哇哈哈............d bb仲like大叫....

作者: Lew 時間: 2009-8-22 11:32 AM 標題: 回復 #20 sandy@王家3兄妹的帖子

係呀！噚晚半夜大叫咗幾次，我老公起身去睇吓，原來個籠度門"珊"唔好，打開咗，所以佢鬼殺咁嘈

作者: Lew 時間: 2009-8-22 11:36 AM 標題: 回復 #19 emmadad 的帖子

皮膚好似有D痕，但係掀開D毛，皮膚又冇紅腫，但係佢一"R"，就有好多好似頭皮嘅嘢甩出嚟。不過，我今日都會同獸醫講，

作者: lammimi 時間: 2009-8-22 11:41 AM

有真菌呀，我隻狗都有。唔嚴重既就好快好番，放心喇

作者: sandy@王家3兄妹 時間: 2009-8-22 12:31 PM

QUOTE:

原帖由 Lew 於 2009-8-22 11:32 AM 發表
係呀！噚晚半夜大叫咗幾次，我老公起身去睇吓，原來個籠度門"珊"唔好，打開咗，所以佢鬼殺咁嘈

嗰時我嗰兩隻孖妹都"鬼練"咁叫.........

不過bb期好快過,要好好享受吓

作者: joeymak 時間: 2009-8-22 01:52 PM

QUOTE:

原帖由 Lew 於 2009-8-22 11:36 AM 發表
皮膚好似有D痕，但係掀開D毛，皮膚又冇紅腫，但係佢一"R"，就有好多好似頭皮嘅嘢甩出嚟。不過，我今日都會同獸醫講，

好開心呀！又多隻曲B，原來曲B而家咁搶手喎！快來影d相比我地睇下拉！

唉！我隻又係有頭皮，不過唔一定係真菌，我 Dor Dor睇完醫生，抹左1次藥水，滴左1次另外1種藥水，就好左8成拉，醫生話隻藥有效就唔係真菌，睇醫生好快好，唔洗驚。

我個隻都成日鬼叫架，佢係大食積，而家仲要食4餐，到時到候就羅食，最慘朝朝6點幾7點就要食第1餐，真係冇覺好訓！

佢叫咩名？希望佢健健康康，聽聽話話！

作者: yip999 時間: 2009-8-22 03:27 PM

湊B係咁架啦...
我果時每隔四個小時就比小小糧佢地食....每隔一個鐘就同佢地去尿尿.因為bb比較多尿尿.忍唔到一急就要去...呢個時期最容易教識佢地去廁所既正確位置...當要同佢去尿就抱去你想教佢尿既位置上(例如廁所或報紙上啦)等佢試下去尿...仲要同佢講乖啦尿尿..尿左就比粒狗糧當獎勵..就要讚佢Good..咁樣當你下次再抱佢去這個地方..佢就自自然然會尿出..尿完又可以抱返佢去佢既活動空間內..!!湊狗B同湊人bb一樣...小食多餐..食飽就要大大...好好珍惜呢個時期...因為曲架大得好快...日日個樣都會在變化同成長...影多d相..唔好錯過佢地每一秒鐘...

[ 本帖最後由 yip999 於 2009-8-22 03:28 PM 編輯 ]

作者: joeymak 時間: 2009-8-22 04:30 PM

係呀！我都係咁教佢尿尿架！佢尿尿已經識，不過便便就唔鍾意係狗廁所，次次都係狗廁所轉到出廳先肯痾！

作者: PPMOK 時間: 2009-8-22 10:11 PM

唔怪得我哋今朝去老虎狗屋見唔到佢啦！希望佢健健康康,聽教聽話喇！

作者: Lew 時間: 2009-8-23 09:18 AM 標題: 回復 #28 PPMOK 的帖子

我21號晚接咗佢返屋企啦！改咗名叫QQ，女仔嚟o架。噚日睇咗獸醫，骨格、心臟、肺、體温都正常。致於身痕，獸醫話可能有寄生蟲，但係因為QQ太細同太輕(獸醫話QQ大約得6星期大，而唔係寵物店講有2個月，體重都唔夠1kg)，所以暫時都唔可以用藥，但係又冇嘢俾我同QQ抹身。

各位99主人，有冇D咩嘢可以幫QQ抹吓身，等佢冇咁痕呀?

作者: joeymak 時間: 2009-8-23 01:03 PM

嘩!D寵物店真係無良，6個禮拜大都係岩岩介奶，咁就羅出黎賣！QQ D牙仔出齊末？
我Dor Dor返黎2.6kg重，寵物店話3個月，我都覺得無，因為佢真係成隻檬咁，而家就好好多，咩都識聽拉！似番3個月，仲定左好多，足足呃左2個禮拜。
QQ咁細可能真係唔適宜搽藥架，因為搽完佢實舔到，佢未必頂得住，都係遲D睇下醫生點講。
你可以用狗奶粉浸狗糧比佢食，我以前接生過曲B，佢地介奶後我都係用狗奶粉浸狗糧比佢地食，食多1個月倒，發育會好D，不過最好問左醫生先。
要好好照顧佢拉！比心機！

[ 本帖最後由 joeymak 於 2009-8-30 03:01 PM 編輯 ]

作者: emmamammy 時間: 2009-8-23 05:54 PM

唉也...點解我唔早D睇依個POST.....

我地Emma都係0係"老虎狗屋"度bought返黎,之前emmadad已係度答左...但有d野佢講小左...

1.QQ有痕.成日"R"，好多好似頭皮嘅嘢甩出嚟------>99%係疥癬蟲(因為我地Emma,佢家姐Juliet以前都同QQ一樣,經vet check過係疥癬蟲......坦白講同一間狗店出品,唔有先出奇...因為所有用具,狗籠都係share用,疥癬蟲好e易傳染,even傳染比人(同99一樣會好痕,再者會有紅色一點點,emmadad同我都試過有)...所以一定要醫好佢.

2.狗房咳既問題,係依間狗店buy狗,只此一次!!!你要小心留意QQ有無咳既情況,而家可能無,但要睇足1-2星期(由其係晚上訓攪既時候),狗房咳係高度傳染病,一定要睇vet,如果唔小心TAKE CARE,狗狗係會死既...只要果間狗店有一隻狗有狗房咳,基本上可以確定所有狗都會有....Emma有,佢家姐Juliet都有(你睇番以前d貼,都會搵到我同Juliet主人都有係度講過)....所以如果QQ甘細,就要更加小心.

3.狗糧問題,如果佢地有介紹,多數會介紹pro-plan依隻超差狗糧比你地...有幾差可以自己上網check下...但QQ而家甘細,唔好轉住...等佢大d先比番d健康d既狗糧既比佢,同埋份量最好多比幾餐,好似人既bb甘養...因為係狗店佢地都餓左好耐.

By the way而家係香港buy狗真係無咩邊間有信心,even依間甘既"老虎狗屋",個老闆初初同我吹足成點鍾,吹到而天花龍鳳,咪又係sell病狗....but anyway唔buy都buy左...希望QQ身體健康,Q-mum Q-dad開開心心..

以上只係溫馨提示...無就最好啦..hehe

作者: Lew 時間: 2009-8-23 07:58 PM 標題: 回復 #31 emmamammy 的帖子

噚日去咗獸醫度check，佢都估QQ可能有"疥癬虫"，佢叫我買咗revolution，叫我幫QQ滴。但係我諗住QQ定D先幫佢滴。

暫時都冇聽到QQ有咳，我同老公已經密切留意住佢(尤其呢7-14日)，一有咩唔妥，就一定會帶佢去睇醫生。

狗糧呢，老虎狗都叫我買Proplan，話QQ食開。但係我冇買，我喺相熟Petshop攞咗D royal canine嘅BB糧比QQ食(因為QQ咁細隻，相熟Petshop話QQ冇可能食到Proplan BB糧)，QQ食咗之後D便便好靚。為咗加强QQ嘅抵抗力，我依家用狗奶粉浸狗糧比佢食。希望QQ可以健康D，大隻D！

作者: emmamammy 時間: 2009-8-23 10:08 PM

QUOTE:

原帖由 Lew 於 2009-8-23 07:58 PM 發表
噚日去咗獸醫度check，佢都估QQ可能有"疥癬虫"，佢叫我買咗revolution，叫我幫QQ滴。但係我諗住QQ定D先幫佢滴。

暫時都冇聽到QQ有咳，我同老公已經密切留意住佢(尤其呢7-14日)，一有咩唔 ...

甘就開心晒..hehe,希望QQ快d大個女同Emma一齊出黎玩...

作者: Lew 時間: 2009-8-23 10:20 PM 標題: 回復 #33 emmamammy 的帖子

我都希望，其實我最怕有狗瘟or 腸病毒，如果有其他小病，有得醫嘅都冇咁驚丫嗎！始終因為QQ好合眼緣，先會買o架嗎，當然最希望QQ乜事都冇啦！

作者: emmamammy 時間: 2009-8-23 10:52 PM

唔駛擔心,無事啦...Jojo會祝福QQ既

作者: Irislam 時間: 2009-8-24 01:58 PM

好野, 好期待我同妳兩隻QQ相遇時既反應

作者: sandy@王家3兄妹 時間: 2009-8-24 02:26 PM

QQ得6星期大，佢有口胃就俾多d糧佢吃<-----------而家你加d奶俾QQ係對佢好嘅,可以用奶水浸林,俾心机呀!
唔好亂用野幫QQ抹身,太危險了.becos佢太細了,連vet都落唔到药,
好多products起碼要10星期大先可以用.
等佢大d再去獸醫到睇吓d"疥癬虫"咩情况,
我細嗰2隻bb時都有"疥癬虫",，醫左一個treatment就好番.
題外話,嗰時我買左一隻for pet抹地野 , 嗰隻係B101-BB for家屋&pet shop&pet診所用
http://www.sunandsun.com.hk/
如果你想試,我可以寄支細size俾你try吓,因為我有成一加侖

作者: Lew 時間: 2009-8-24 05:14 PM 標題: 回復 #37 sandy@王家3兄妹的帖子

我用緊一隻"Ev Sanitizer"嘅殺菌消毒藥水，可以用嚟抹地、又可以稀釋咗佢用嚟噴寵物嘅身體消毒，我樓下相熟Petshop都係用佢。

食方面呢，用奶浸糧比QQ食，食到佢飽，唔食為止。QQ好好胃口。依家一日俾3餐佢食，朝早9點幾一餐，下畫5點幾一餐(因為要放工返嚟先可以餵)，最後一餐就11點前。

作者: emmamammy 時間: 2009-8-24 05:14 PM

QUOTE:

原帖由 sandy@王家3兄妹 於 2009-8-24 02:26 PM 發表
QQ得6星期大，佢有口胃就俾多d糧佢吃<-----------而家你加d奶俾QQ係對佢好嘅,可以用奶水浸林,俾心机呀!
唔好亂用野幫QQ抹身,太危險了.becos佢太細了,連vet都落唔到药,
好多products起碼要10星期 ...