PF HOUSE & 英曲大聯盟 - Powered by Discuz! Board

標題: 巨犬發狂咬女主人傷者負傷反鎖露台保命 [打印本頁]

作者: 奔妮吐 時間: 2008-4-12 11:11 AM 標題: 巨犬發狂咬女主人傷者負傷反鎖露台保命

【本報訊】元朗一名女狗主昨日替 4 歲半的聖伯納狗戴口罩時，平日溫馴的大狗突然發惡，狂咬女主人，女主人被咬傷手臂及肩膊後，嚇得衝出露台將門反鎖呼救，驚動樓下鄰居報警。救護員及消防員到場不敢由正門入屋，要攀梯上露台為傷者包紮抬下送院。男狗主事後返回安撫惡犬，而漁護署於晚上將惡犬捉走觀察，受傷女狗主人則勞氣說：「或者唔要佢啦！」　記者：黃學潤　徐雲庭

咬傷主人闖禍的聖伯納犬，暱稱「大  」，雄性， 4 歲半大， 4 呎長、 3 呎高，身形龐大，重約 200 磅。牠一歲時已被顏姓的事主夫婦收養，夫婦倆在灣仔開設會計公司，住在元朗新李屋村松盛花園一幢三層高村屋的一樓，除大  外，還飼養有一頭 10 多歲的鬆獅狗。
據顏姓男戶主表示，他們已為大  領牌及注射防疫針。由於大  一向又馴又乖巧，即使出外散步放狗，亦無替牠戴口罩及綁狗繩，大  亦從未發惡追人吠叫。鄰居張先生（ 46 歲）表示，事主夫婦對大  和鬆獅狗都疼愛有加，視如子女。「顏太好錫狗  ，平日買貴價狗糧，又買維他命丸畀佢  食，為  令狗隻  活動空間大  ，仲拆  屋企  房，剩番廚房同廁所。聖伯納狗好怕熱，佢  返  工都開晒冷氣畀狗  ，每日早晚都拖狗散步，無微不至。」男事主透露，大  早前弄傷左後腳腳背，傷口正在結疤。為免大  口水舔到傷口發炎，近期都有為牠戴口罩，前日為牠戴口罩時並無異樣。昨晨 10 時， 43 歲陳姓的女狗主試圖為大  戴上口罩，懷疑牠不肯戴口罩突發狂，咬傷顏太左肩膊和右手臂。顏太擺脫大  後衝出露台將門反鎖，靠近欄杆痛哭及呼救，樓下的張先生聞聲報警。

漁護署帶走觀察
此時，顏太告知張先生大門未有上鎖，大  隨時會撲出咬人，勿用樓梯上樓救她。張先生於是用花盆頂住地下大門，以防咬人的聖伯納狗走出，取來一把竹梯爬上露台安慰顏太及報警。稍後救護員亦爬竹梯到露台為顏太包紮，消防員到場則升起長梯將她吊落地面送院。男事主接獲通知回家，為大  戴上口罩，漁護署人員於晚上 9 時，折返單位將大  捉走，送往新界北動物中心檢疫及接受一周觀察。

專家意見：狗界忠心勇士港不宜養
咬傷女主人的聖伯納狗乃瑞士國寶，是著名拯救犬。一旦收到任務，牠們便會奔走雪山，拯救迷路的遊人，是狗界的忠心勇士。但有專家指出，聖伯納狗適宜在寒冷地方飼養，香港天氣悶熱翳焗不宜飼養，如果加上缺乏戶外運動，只要有外來因素刺激，聖伯納狗便會發惡做出傷害人類的行為。
香港犬隻訓練總會訓練總監張松照表示，聖伯納犬品性溫馴、乖巧，但香港並不適宜飼養。

「咬中動脈好易死」
他又說，港人養狗往往忽略訓練，「唔好畀狗做一家之主，例如帶佢散步佢行先，返屋企入門口又係佢行先，咁會令  狗當  自己係領導，自小行為不正，一旦突然發惡，好似今次話幫佢戴口罩，佢唔鍾意就咬人，一咬就一發不可收拾，如果咬中大動脈或骨碎，好易會死！」
張松照又說，主人一定要留意寵物的行為，勿用暴力，但要大聲下命令，如狗隻表現不願戴口罩，意欲咬人，主人一定要講「 No 」，讓其服從。如受到狗隻襲擊，先要保持鎮定，大聲呼喝，並擊打其鼻樑，因鼻樑是狗隻最脆弱地方，趁牠痛極鬆口，乘機逃脫。
本報記者

作者: Sarah331 時間: 2008-4-12 11:40 AM

其實狗狗好慘
轉左幾次主人
呢個係第五個啦
希望狗狗幸福
快d出返黎啦
我睇news話好大機會會放返出黎架

我都好鐘意聖班納架...

作者: PHILIP 時間: 2008-4-13 01:01 AM

唉.. o係香港o既狗狗真係可憐..

作者: qqdog 時間: 2008-4-13 01:22 AM

一有狗咬人新聞, 呢排d人對狗就會特別敏感同恐慌, 我地d狗狗就遭殃

作者: mon 時間: 2008-4-13 01:34 AM

其實只是一少部份狗會咬人,
反而人打人就日日都有

作者: 奔妮吐 時間: 2008-4-13 02:08 AM

瑞士國寶　甚少襲人類
(星島) 04月 12日星期六 05:30AM
(綜合報道)

(星島日報報道)被譽為「瑞士國寶」的聖班納犬，以在雪地協助搜救遇險旅客聞名，故其性格既忠心又服從性高，甚少襲擊人類。過去在經典動畫《義犬報恩》、《飄零燕》及荷里活電影《無敵當家》系列中，都揀選聖班納犬當上狗主角，與主人譜出儼如朋友的感情，溫情洋溢，吸引本地不少愛狗人士飼養，如律師黃國桐和歌手麥浚龍，也曾為聖班納傾心。

　　不過，產自瑞士阿爾卑斯山的聖班納犬頗難服侍，因牠體形龐大，食量驚人及運動量大，尤其本港天氣潮濕，並不適宜飼養。除非狗主長期開冷氣及給予寬敞地方，讓犬隻有足夠活動。聖班納犬又會經常流口水，因而嚇退不少人。該種犬隻價值不菲，一般約售萬多元至數萬元不等。

　　倘有傷患宜多觀察情緒

　　香港犬隻訓練總會訓練總監張松照提醒狗主，倘狗隻有傷患，不但要時刻留意其傷勢，還要觀察牠的情緒變化。去年咬傷女主人的金毛尋回犬「阿柑」，其實是因為受癌症影響，睪丸組織壞死引起痛楚，因而發狂咬人。

　　張松照續稱，狗主平日愛犬心切，凡事以狗隻為先，讓牠反領導主人，若狗隻從沒接受服從性訓練，容易以為自己是「一家之主」，隨時遇有不快，便反過來咬主人一口。他指聖班納犬在翳熱天氣下，通常不愛戴口罩妨礙散熱，狗主若不想犬隻黏傷口，可給牠戴上專用頭箍，一般在獸醫診所或寵物店均有發售。本報記者

作者: coke 時間: 2008-4-14 06:45 PM

我都鄧隻狗狗可憐...

作者: Jade 時間: 2008-4-15 01:07 AM

睇完段新聞, 有d憎佢主人, 佢有無諗過狗狗點解平時咁乖, 突然會咁做,

我希望佢講 [ 或者唔要佢 ] 呢句之前係因為大腦受驚未回復正常

作者: Boy媽咪 時間: 2008-4-15 02:45 PM

其實乜野狗種乖唔乖, 在乎主人點教, 我的鄰居有隻洛威, 純過隻羊, 講一句就頭耷耷, 仲要細細聲講咋!

作者: Irislam 時間: 2008-4-15 02:56 PM

QUOTE:

原帖由 Jade 於 2008-4-15 01:07 AM 發表
睇完段新聞, 有d憎佢主人, 佢有無諗過狗狗點解平時咁乖, 突然會咁做,

我希望佢講 [ 或者唔要佢 ] 呢句之前係因為大腦受驚未回復正常

同意, 其實人類真係好奇怪, 自己做錯事就搵不同既藉口原諒自己, 但狗狗錯一次唔理佢點樣發生, 隻狗都要人道毀滅, 人喎.....真係不知所謂

作者: sandy@王家3兄妹 時間: 2008-4-15 04:07 PM

我覺得個主人幫隻狗戴口罩時,
令佢可能有不愉快經歷, e.g. 曾经打過佢
今次一見要戴口罩時,就反咬個主人

歡迎光臨 PF HOUSE & 英曲大聯盟 (http://pfhouse.net/BBS/)