PF HOUSE & 英曲大聯盟 - Powered by Discuz! Board

標題: 虐貓事件簿 [打印本頁]

作者: Hinckley 時間: 2007-3-17 08:45 PM 標題: 虐貓事件簿

昨晚老婆放工反嚟，同我講咗件令我倆都好忿怒嘅事！
   我住緊呢個屋苑有好多流浪貓，隻隻其實都好乖，夜晚仲會有一班太太們餵貓貓，其中一隻貓叫阿May(我哋嘅改)嘅貓貓，我哋由佢細細隻睇到而家做埋媽咪，做埋嫲嫲，佢好得意，每次我哋見到佢都會叫：「阿May！」而隻貓就會"meow" "meow"咁叫，可惜佢啲仔女好多都不幸！
   昨晚老婆同我講話响樓下撞倒其中一個餵貓嘅太太，佢話早幾日响公園花槽內發現一個膠袋，好奇打開嚟睇，一睇之下見到一隻身體發漲嘅貓屍，由於個袋係濕，有理由懷疑有人虐貓，監生將隻貓放响膠袋內封密袋口，再再隻貓浸死。我都唔明點解當時個位太太唔報警？不過可能報警都冇用。
   其實呢啲事都唔係第一次，去年有晚我老婆落樓餵貓，响某處聽到有隻貓好悽慘咁不停地叫，老婆沿著聲音搵，發現有隻貓仔被人幫住响水渠，用石頭壓住，雖然不至壓傷隻貓仔，但仍同一個密室，另貓仔唔郁得，最後老婆打電話叫我幫手搬開舊石，好采貓仔冇事！
   如俾我發現邊條粉腸做出以上行為，我一定要條友得到應得報應！

作者: joyce815815 時間: 2007-3-17 08:52 PM

咩而家啲人真係咁衰ga

歡迎光臨 PF HOUSE & 英曲大聯盟 (http://pfhouse.net/BBS/)