PF HOUSE & 英曲大聯盟 - Powered by Discuz! Board

標題: 睇醫生嚇餐死~~ [打印本頁]

作者: R32YOKI 時間: 2006-3-28 04:43 AM 標題: 睇醫生嚇餐死~~

o係度想講最近一個經歷俾大家知!
我媽咪屋企(土瓜灣)養o左15隻貓(已經打哂針"年年都KEEP住打"而且已做哂絕育),
最近佢又多養一隻波斯貓bb(已經打o左兩枝針仲爭一枝未到期打),
隻bb [/color]10.MAR.2006.返黎,本身都有少少鼻水
17.MAR.2006.屋企相繼有6隻家貓有咳,流鼻水等病徵. 3隻去o左我屋企住另外3隻我媽咪同佢o地去九龍城柏域獸醫診所睇醫生,
18.MAR.2006.到一隻5歲波斯貓mon mon有呢d病徵.
19.MAR.2006.媽咪同mon mon去柏域獸醫診所睇醫生,醫生同佢打o左一枝抗生素.夜晚mon mon係咁嘔~~我媽咪見到好驚,唔知佢咩事,諗住即刻同mon mon call 急診睇,之後醫生話聽日先睇一樣,呢d情況唔需要睇急診.
20.MAR.2006.(早上)o係我屋企寄宿果3隻都開始嚴重,我就同佢o地去o左大埔寶湖動物醫院睇,醫生話係感冒,我同佢講我媽咪半年之前收養o左一對街貓返屋企, 呢3隻係佢o地d仔女,同最近又多o左一隻波斯bb.呢幾日其他貓又相繼中招,醫生知道後,都未能100%肯定感冒,, 因為街貓本身可能蔕有其他病毒,e.g.貓愛滋...所以佢建議d貓做驗血,我話要問問貓主人先再決定!(即係我媽咪)
20.MAR.2006.因為朝早柏域獸醫診所冇醫生,我媽咪又心急,所以去O左隔離果間九龍動物醫院睇,獸醫問柏域拎之前份報告,之後同mon mon打o左3枝針:1)抗生素 2)for 胃 3)止嘔.仲配o左兩枝藥水一枝抗生素一包維生素C同一枝營養膏.我返到屋企見到mon mon勁攰,就問媽咪mon mon咩事?點知佢先醒起醫生冇講mon mon咩事!媽咪即刻打電話去問返姑娘mon mon咩病同問d營養膏一日食幾多次?!點知個姑娘同我媽咪講mon mon有貓瘟.媽咪即刻呆o左!
我聽到之後就打電話去寶湖動物醫院問,貓瘟有冇得醫?會點樣?....個男護士話如果係貓瘟就冇得醫o架喇!如果年年有打哂針又唔出街玩,其實患上貓瘟機會唔大!
收線之後我再打電話去九龍動物醫院諗住問多次個姑娘問清楚!
以下係我同個姑娘既對話:
我:唔該,我想問o下mon mon究竟係咩病呀?
姑娘:貓瘟!
我:但係我媽咪話你o地今日冇講過mon mon個病係貓瘟喎?
姑娘

態度毫不客氣兼勁串)我有講過,你o地屋企所有貓都有貓瘟,只不過mon mon比較嚴重o者!
我:咁點先可以好返?
姑娘:食多d野,定時食藥,休息多d,之後返黎覆診!
我:咁唔該fax mon mon份報告俾我.
之後我再打去寶湖動物醫院問個男護士,佢叫我fax過去俾佢o地睇睇份報告,一陣之後男護士打俾我話果度醫生開d藥都ok,份報告話mon mon係上呼吸道有事,咁我問,咁係唔係即係冇貓瘟?
佢話通常貓瘟係唔會直接寫o係報告度!因為我媽咪當時好騰又喊.....話要即刻同mon mon去大埔寶湖動物醫院睇,,問男護士,因為d藥ok,佢建議mon mon食幾次藥先,睇o下有冇好轉,如果冇先去睇!仲話因為今日醫生已經同mon mon打o左3枝針,就算去到,醫生都落唔到藥!!!
21--23MAR.2006. mon mon都有明顯好返d!
23.MAR.2006.同隻波斯貓BB去寶湖動物醫院睇, 醫生認為只係因為呢隻bb返黎已經有感冒,所以傳染哂俾其他貓,唔駛做驗血檢查!
24-25MAR.2006.mon mon都係KEEP住好多鼻水同口水...而且眼睛開始發炎
26.MAR.2006.決定同佢去寶湖動物醫院睇,醫生話佢係感冒,,因為波斯既鼻比較短,所以比其他貓嚴重,仲檢查到mon mon個心有d問題........
27.MAR.2006.今日mon mon好返好多喇,,希望佢同其他13隻貓貓會好快好返啦!
*真係唔知點解當日九龍動物醫院診斷mon mon有貓瘟既時候唔建議mon mon打"瞓覺"仲俾佢返屋企傳染俾其餘14隻貓?
點解個姑娘可以一口就咬定屋企所有貓都有貓瘟?? (淨係得mon mon去過九龍動物醫院睇!)
我媽咪先47歲,又係正常人,如果當日九龍動物醫院真係有同佢講mon mon有貓瘟,佢一定好大反應兼一定記得!!
其實我聽到個姑娘好串咁同我講野唔係我打呢篇野既原因,
係因為呢位姑娘既唔專業令到我媽咪受到不必要既傷害!
我媽咪個心臟有事,唔嚇得!果日係我咁耐以黎見佢最崩潰最傷心既一日!佢根本就瞓唔到,
一諗起15隻貓有貓瘟全部都要人道毀滅就喊...
之後一日仲打電話去愛協問收唔收d貓去人道毀滅,,不過我知道之後我阻止,,
因為冇可能因為一個人既說話就判d貓貓死刑!起碼轉多個醫生証實先再決定俾佢o地"瞓覺"!!
希望如果各位主人有一日同樣有呢d情形發生,記得要保持冷靜,千祈唔好一判就判你隻寵物死刑,
起碼睇多一個醫生確認清楚再作打算!!
希望主人唔好因為寵物病,唔想嘥錢同佢睇醫生就放棄佢/掉佢出街!
希望所有動物醫院既醫務人員唔好淨係諗住搵錢而失去應有既專業措手!

己所不欲,勿施於人!!

最後真係好多謝大埔寶湖動物醫院好細心既獸醫叔叔,好有愛心既助護哥哥姐姐! ^^
我媽咪話同mon mon去寶湖睇完就連佢都睇埋咁,,個心好好幾多喇!!
多謝佢o地為我D貓貓,狗狗提供十分專業既醫療服務!

THANK YOU VERY MUCH!!

YOKI

_______________________________________

作者: karen 時間: 2006-3-28 06:23 PM

貓瘟都唔使人道毀滅呀。

人哋醫生都無見意到，好似係你自己話喎

【真係唔知點解當日九龍動物醫院診斷mon mon有貓瘟既時候唔建議mon mon打"瞓覺"仲俾佢返屋企傳染俾其餘14隻貓?】

BB貓，有未打齊預防針，又有上呼吸道問題，醫生覺得似貓瘟都好正常。相反貓愛滋就言之尚早。
好似你誇張咗D

最多咪D姑娘態度唔好

還有你過份擔心

我細仔(仲係bb)之前都中召。仲搞到其他三隻貓都中。P.S我D貓打齊針、成貓。差不多要兩星期只好。
我個醫生話雖然打齊針，如果是但一隻抵抗力弱，還有驚青D，都有機會中召，不過病徵輕D。佢都最緊要肯食嘢，俾佢休息多D，還要留意其他貓有無事。

作者: R32YOKI 時間: 2006-3-29 02:03 AM 標題: re

而家mon mon已經好返好多,仲有其他貓都慢慢好返!
一個狗瘟一個貓瘟都係可以經空氣傳染!我有個朋友間寵物店(而家冇做),試過有隻松鼠狗BB有狗瘟,,之後隻BB死O左,連同其他7隻狗BB都傳染埋,最後全部死哂~
我都覺得我媽咪會過份緊張O左,但講緊係自己十幾隻貓呀,到你唔緊張咩?
係因為個姑娘咁講,我媽咪果陣會覺得既然佢O地有貓瘟,而且唔會好返,哂錢之餘仲要佢O地咁辛苦,不如打針啦~
針唔拮到肉唔知痛!我唔會話果間診所/獸醫得唔得,事實上mon mon食o左d藥好返d,係到o左第3日又冇咩好轉先同佢轉醫生,而且我唔會因為個姑娘差而哂時間打篇咁既野loo......
而家已經肯定mon mon唔係貓瘟,仲有明明果日冇同我媽咪講過又話有講,所以我覺得佢o地不負責任o者!
至於驗血~貓愛滋果度,,係獸醫知道個情況(果兩隻街貓)之後建議.不過之後見過隻細波斯之後......,佢都分析應該唔會係貓愛滋所以話唔駛驗!
呢幾日成日都要過寶x動物醫院買a/d 同配藥,又要2-3個鐘用針筒喂a/d,都幾辛苦o架,但見到佢o地咁快好返,覺得係值得o既!

[ 本帖最後由 R32YOKI 於 2006-3-29 02:36 AM 編輯 ]

作者: kwan_123 時間: 2006-6-7 03:19 PM 標題: 我都冇類似o既事

我隻貓貓歲幾去育, 由於佢身體狀況一直都好好, 過去一年又唔見佢有咩病, 其實佢傷風感冒過一次咋，同埋我冇意識要打針, 所以冇打過, 當做完絕育手後, 發現佢冇哂精神同埋咳就帶佢返去醫生到, d 妓娘又係咁樣話佢有貓瘟, 而且佢又冇打過針, 有貓瘟都唔奇, 姑娘又話可能貓貓唔開心病發又唔出奇, 佢話佢間診所唔會令你隻貓貓出現呢d問題, 佢第一時間就話你屋企d 貓有問題先。

但我真係唔明做咩貓瘟要1年後做手術先發病。佢地有咩事第一件事就話d客先

你的家人真係好愛貓, 我諗一日要換兩次沙盤

作者: kwan_123 時間: 2006-6-7 03:21 PM 標題: 我都冇類似o既事

我隻貓貓歲幾去育, 由於佢身體狀況一直都好好, 過去一年又唔見佢有咩病, 其實佢傷風感冒過一次咋，同埋我冇意識要打針, 所以冇打過, 當做完絕育手後, 發現佢冇哂精神同埋咳就帶佢返去醫生到, d 妓娘又係咁樣話佢有貓瘟, 而且佢又冇打過針, 有貓瘟都唔奇, 姑娘又話可能貓貓唔開心病發又唔出奇, 佢話佢間診所唔會令你隻貓貓出現呢d問題, 佢第一時間就話你屋企d 貓有問題先。

但我真係唔明做咩貓瘟要1年後做手術先發病。佢地有咩事第一件事就話d客先

你的家人真係好愛貓, 我諗一日要換兩次沙盤

歡迎光臨 PF HOUSE & 英曲大聯盟 (http://pfhouse.net/BBS/)