標題: 綠十字寵物醫院 [打印本頁]
作者:
PHILIP 時間: 2006-3-16 08:31 AM 標題: 綠十字寵物醫院
綠十字寵物醫院
旺角窩打老道31A地下
Tel : 2780 5338 (24小時)
唔係好好,因為melody有狗瘟時第一個係睇佢地,佢地斷錯症,d藥又唔得,仲越搞越衰
仲有收費偏高,個女醫生太green,開診時間唔係好就到要返工既人......
總之經驗相當麻麻啦
by Chimil
作者:
lovely小貓 時間: 2006-8-13 11:48 PM 標題: 我唔覺lor
邊有人第一次睇醫生就會知道發生咩事gar，而且咁多病gei症狀都咁相似，假如一個人生cancer, 個醫生都唔會第一次就睇倒lar, 要睇左幾次，食左藥都冇好轉先驗其他野，而且狗又唔識講野，又要靠主人細心的觀察，長盡描述，先可以減低斷錯症的機會，不能對症下藥，病情當然有可能惡化la，醫生睇症係靠主人的描述，加上動物的臨床症狀，有時可能加埋血液，尿液or x 光的報告，如果主人描述得唔夠詳細，or選擇唔同動物驗血，都會影響醫生的判斷。
我都有睇過綠十字，旺角o個間，佢收費都唔太貴，spca仲貴過佢好多，但我覺得係有良心gei醫生，斷錯症，主人都有責任，唔係俾左錢就靠晒d醫生，咁樣o係呢度唱衰人地d醫生，實在對人好唔公平，有機會令動物損失一個好醫生
LOVELY貓:因為想看清你的原文才回應,所以我曾經COPY了這段文字在我的電腦,請見諒!
[ 本帖最後由 chimil 於 2006-8-14 08:17 AM 編輯 ]
作者:
elvin 時間: 2006-8-14 12:07 AM
我未用過呢間診所，但係如果連幼犬高危病狗瘟都要靠飼主好詳盡咁講至睇得出，我建議呢位vet返去再進修一下，始終有好多人第一次養狗，根本唔知咩叫狗瘟，就連小弟對狗狗病患略有研究都未必可以好準確話俾vet發生咩事。
始終，vet同人睇嘅中醫好似，要睇夾唔夾！
作者:
Elsa 時間: 2006-8-14 01:12 AM
狗瘟好高危...而且有好多病徵..做得醫生要識睇病徵..同埋用佢醫學常識去判斷狗係乜病..要驗啲乜野..用乜葯..乜療程...
做狗主既..萬一隻狗有事..唔係靠晒醫生...咁靠乜???...靠自己既話睇醫生黎做乜>??....自己識醫又知道隻狗乜野病..點解有獸醫呢一樣人物出現呢>>??...
佢斷錯症..狗瘟一拖就好易救唔番喎...唔唱佢.仲要維護佢呀??
唔夠料即係唔夠料...斷錯症即係無經驗...狗主講番件事出黎..用意係唔想更多狗受害..出於一片好心啫
唔公平??...萬一隻狗比佢拖住病情而失救致死..咁又公平咩???...
[ 本帖最後由 chimil 於 2006-8-14 09:35 AM 編輯 ]
作者:
chimil 時間: 2006-8-14 08:12 AM
TO LOVELY小貓:
我是CHIMIL, MELODY媽,以下純粹是我的回應,絕對完全無心想同任何人發生任何衝突及意見,但有些地方我很想澄清的
1.我是第一次飼養寵物,雖然第一次當狗主並不等於不愛狗
2.我完全明白你的感受,可能你同綠十字甚有淵緣,見到我的評價你會不高興,但你不可以否定我的經驗
3.真的不明白,你為何一口咬定我是一個不細心觀察,詳盡描述的主人呢?我絕對相信,任何在英曲這類認識我的人,都知我點樣對我個寶貝女MELODY,就算你任何時候問我,我個女的情況,我都會清楚的回答,因為我每日都用時間同我個女接觸,溝通和觀察
4.雖然我不是富貴人家,但若果間寵物診所真的有料,我會極度願意傾家蕩產的去醫寶貝女,同樣,認識我的人,都知道我會好注重MELODY的健康,平日遇到很小的問題都會問醫生,否則,我又如去到綠十字呢?
5.作為一個主人的我,我當然不是不負責任,"唔係俾左錢就靠哂D醫生".我十分清楚我的責任便是提供"足夠及清晰的資料讓醫生診症,""細心按照醫生的指示進行一連串的療程",以及"提供最好的心理生理環境給小寶貝",但我想指出,一個醫生的好與壞,便是能否在我提最短時間內正確斷症,這便是為一個專業醫生應有的技術,良醫與庸醫的分別便是這樣,若果不依靠醫生斷症,人人便可以無醫自通的話,那麼要醫生來幹什麼呢?
6.我想告訴你,我遇到一個好高明的醫生,他便可以睇第一次便可以斷到症,幸好遇上這位醫生,MELODY才可以保住條命仔
我想提出,若果主人要帶心愛的寶貝睇幾次才能斷症,這個風險真的很大,例如有CANCER斷不到便會搞出"動物"命,所以請不要想維護一個你覺得好的醫生而否定有醫生可以一次便CHECK到問題所在,正如我所講的,緑十字的醫生很GREEN,不能在第一,二次便斷到症(我總共帶了MELODY去睇兩次,但情況確實未有改善,原因便是斷錯症,俾錯藥)
7.我相信香港仍然是一個自由的城市,所以大家都有機會發表個人的看法,但
若果要評論某一個人,某人件事,請提出證據,我之所以我覺得綠十字醫院有問題,是因為根據我的經驗而提出,但希望你在判斷我的時候,也請提出證據,例如請指出我如何不負責任,如何只是俾錢醫生就唔理等等
8.我絕對相信動物要夾醫生,就正如人要夾醫生,但我覺得我有權利講出我的經驗,那是一個好可怕的經驗
9.至於藥費,真的是見人見智,可能我是一名窮等人家,相比現時的醫生,我真的覺得緑十字的診金是貴的
10.提到公平,可能我才疏學淺,讀書唔多,但是公平者最低的條件是雙方都覺得可以接受才是公平,我想,我在綠十字所遇到的經驗是十分不公平,最難過的是他擔誤了MELODY的病情,若果早日斷到症,便不用在另一診所留醫七日,每日都要進行多種治療
11.我相英曲的朋友,除了我,都是有識之士,正如你,好與壞是能夠分辨的,所以不用擔心我把你心愛的診所唱壞了名聲,加上,香港地好得意,有樣東西叫口碑,有麝自然香,加上,別人對我現時診所的評價,我不太理會,因為我在意的是他能否醫好的寶貝女,別人講兩三句說話便大動干戈,何必呢?
12.大家都是愛動物的人,我絕對無意抹黑任何醫生及診所,但我只能根據我的經驗去講,同樣地,請你不要抹黑我是一個不負責任的主人,好嗎?否則這便是無的放矢了
LOVELY貓,大家能夠有幸在英曲這裏交流是一件好事,若果以上有些什麼地方令到你不高興,請見諒,不過我是一個很著重"是非黑白"的人,毛病是要澄清一些不正確的情況,所以我便作出了以上的回應,ANYWAY,以上只屬於個人意見,與英曲無關,若果看後很生氣,要打要罵,便找我一人好了
最後,真的要向PHILIP道歉,因為我這個"麻煩人",刊登了一個根據我個人經驗的POST而令到有不太喜歡,真的抱歉,
因為我想英曲這裏是讓大家在彼此尊重的情況下交流心得,但這次似乎令到有人感覺不太好,若果有需要,你完全可以DELETE這個POST,我絕對尊重及服從你的決定
詹,MELODY媽上
[ 本帖最後由 chimil 於 2006-8-14 09:37 AM 編輯 ]
作者:
Chermaine 時間: 2006-8-14 09:29 AM
我係so ball媽, so ball係我第一隻狗,細個時都好狗瘟,我好明白詹的心情.
當時我根本唔知道有狗瘟呢回事,見so ball流鼻水,以為只係一般冷親,但都馬上帶so ball去睇屋企附近ge vet.
去到睇vet時,vet已經問我知唔知咩叫狗瘟,同埋隻狗响邊度買... 我聽到vet咁講好驚,但嗰時so ball情況又好似唔係好嚴重,仲食得瞓得. 我上網去睇多d關於狗瘟ge資料,愈睇愈驚... 原來狗瘟ge致命率好高ga,咁我就密切留意住so ball ge進度...
一日之後,so ball雖然有按時食藥,但情況差得好快... 唔食嘢,我咪拿拿聲帶so ball番去vet度,問下應該點算... 其實個vet都無乜話點算,我睇完之後好擔心,因為so ball睇完vet 3日一d起色都無,仲愈來愈差,已經覺得呢個vet唔夠料醫好so ball... 咪再上網周圍搵下有無d朋友仔試過醫番好狗瘟... 我見到真係有主人話自己隻狗係曾經有狗瘟並且已經醫好,雖然我唔識佢,但為咗so ball都要膽粗粗send mail問下人去邊度醫好... 第二朝起身check mail,真係有人覆我呀...
於是我馬上帶so ball去睇另一個vet... 做咗第一個treatment之後,so ball已經有明顯ge好轉... 覆診咗5,6次之後, so ball就完全康復啦!
狗仔唔識自己講有咩唔舒服,所以替愛犬選擇vet時是一件很重要的事! 經驗唔夠就係唔夠,我唔會因為佢經驗唔夠但係係"好vet"就搵我隻狗條命去博... 我好慶幸自己能夠及時替so ball轉醫生,否則佢會小命不保!
同埋,比經驗唔夠ge醫生去醫狗狗... 大則斷錯症害了一條生命,小則都要狗狗無辜愛針藥折磨... 試問又有邊個主人願意見到自己的寵物受苦...
呢個世界,有麝自然香. 香港邊個係好ge vet,大家只要上網search下就好容易知... 唔好ge vet亦都係... 大家只係响呢度講出心中誠實話... 當然,如果不同意,可以講出嚟,但唔好話人地抺黑囉...
作者:
chimil 時間: 2006-8-14 09:35 AM
QUOTE:
原帖由 Elsa 於 2006-8-14 01:12 AM 發表
狗瘟好高危...而且有好多病徵..做得醫生要識睇病徵..同埋用佢醫學常識去判斷狗係乜病..要驗啲乜野..用乜葯..乜療程...
做狗主既..萬一隻狗有事..唔係靠晒醫生...咁靠乜???...靠自己既話睇醫生黎做乜>?? ...
ELSA:你講你的正是我的心聲
尤其是:"用意係唔想更多狗受害..出於一片好心啫"
不過,我可能是好心做壞事啦
| 歡迎光臨 PF HOUSE & 英曲大聯盟 (http://pfhouse.net/BBS/) |
Powered by Discuz! 4.1.0 |