PF HOUSE & 英曲大聯盟 
» 遊客:  註冊 | 登錄 | 會員 | 搜索 | 祈願池 | 心情日記列表 | 我的心情日記 | 幫助

RSS 訂閱當前論壇  

上一主題 下一主題
       
標題: 給Snoopy的信, 2011年9月20日零晨1:30離開了我.  
 
PHILIP
英曲大聯盟盟主
Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15Rank: 15
PF HOUSE


UID 1
精華 2
積分 3412
帖子 4191
閱讀權限 255
註冊 2005-9-30
所養英曲名稱:Snoopy
英曲會員編號:001
狗狗性別:男
狗狗出生日期:21-6-2000
狗狗最喜歡:偷貓糧食
狗狗最討厭:剪毛
狗狗技能:sitsit, 爬地
狗狗性格:鐘意攪事
居住地區:Kowloon Bay
來自PF HOUSE
狀態 離線
給Snoopy的信, 2011年9月20日零晨1:30離開了我.

Snoopy你在2011年9月20日零晨1:30離開了我, 已經幾日了, 我都仲未接受到, 腦內時常出現你o既畫面, 點解你o甘忍心離開我呢, 我一直都想你能夠陪伴我至少到你13-14歲後, 而且你一直好健康, 我已經盡量俾最好而有益o既食物你, 年年驗身, 從來無諗過你會突然間離開我, 你只是11歲便離開了我們, 我和你媽媽都很難接受, 但亦要無奈接受, 但心裡真係很痛很痛. 我知你也不想離開, 但無奈我們幫不到你, 醫生也找不到原因也許我太大意, 還以為你康復中, 沒有更深一步幫你檢查, 但始終你有胰臟炎, 類固醇唔可以用, 全身瑪醉做磁力共震又擔心你會醒唔到.

其實我真的不知道我有無做錯, 你最後無力訓在sofa上時, 雖然有心跳, 但呼吸越來越弱, 如果我沒有帶你落樓坐的士去睇24hr醫生, 由你在sofa上回氣, 你會唔會無事呢? 是否我抱你落樓時令你惡化呢, 我好清楚記得我抱你時候你還有心跳, 落到樓下你隻腳還有力推我, 我是否應該停下來等你休息呢; 我上到的士你已經無氣無心跳無反應了, 是否因為我無力抱你, 抱得你唔好, 令你復原不到呢? 在診所見到你原來流左好多鼻血, 是否我因為無力抱你, 令你入lift時撞到你個鼻而令你惡化呢; 是否因為我的無知, 要抱你去睇醫生, 加埋種種我的不小心, 而令你離開我呢?

我不能否認有可能因為我, 你才會離開我們, 對不起, snoopy, 我真的很自責, 我真係好掛念你, 我真的很想時間倒流, 幫你做更深入的檢查, 更小心照顧你. 在你病的期間, 你有時有力, 有時無力, 餵藥時又wow我, 抱你落床又wow我, 有時又無啦啦痛叫, 我有時真係覺得你是否扮野, 因為我們一直搵唔到原因你那裡痛, 有時我還會鬧你”wow我o甘精神, 不如康復給我看, 死佬…”

其實你在我們家庭是否真的覺得開心呢? 我很小帶你落街, 很小帶你去玩, 我估令你最開心是有朱古力貓貓陪你, 有時聊你玩, 你有時又同佢入書房玩, un來un去, 玩到透晒大氣.
另外你最鐘意就是當媽媽叫你上sofa同你玩扮打針, 扮剪毛, 洗耳仔的時候, 當你媽媽講”snoopy, 上黎sofa打針針, 洗耳仔, 或者上sofa[謝謝]-係扮剪毛摌的聲音, 你就會跳上sofa等媽媽幫你, 看到你滿足舒服的樣子, 媽媽也很開心, 而且媽媽是常會同你傾心事, 所以現在你走了, 相信你媽媽是最傷心的.

其實你真是很厲害的狗狗, 每當我買了食物, 就算放入袋內, 你也會知道, 明明是密封的, 你也感覺到. 還要等我幫你包尿時, 你去偷那些食物出來.
每當你想駛開我做衰野時, 例如偷貓糧, 你就會去toilet屙尿, 要我去包尿, 再進行你的偷食計劃, 真係不知好嬲定好笑.

你是十分聰明的狗狗, 識聽人講野, 不過未必會照我意思去做, 古古惑惑, 睡姿又攪笑, 扒在地上的姿勢也很特別, 會交叉手, 雙腳腳指向左右伸開. 我未見過其他狗狗是這樣的.

而且你好鐘意食, 每次見到我買了龜包, 雞蛋仔, 你都會坐定定等食, 有時當我唔為意, 仲跳上黎一口咬走我成半個包tim, 真係俾你激死, 但又會心微笑. 但你鐘唔鐘意就係游水, 次次去活動, 同你游水就見你好唔願意, 成日想上番水, 其他狗狗游得好好, 你就好多水花, 魔打手一樣.

近這幾年, 當你倦時或太夜時, 你都會走到睡房門前, 用手抓門, 示意想入房睡覺, 我們一開門你便會走進去. 另外, 每當你見到你媽媽入了睡房, 而我仍然在廳睇電視, 你也會走到睡房門前用手抓門, 示意想入房睡覺. 我和你媽媽還說你真識保養, 應該很長命.

在床上你有時會訓在枕頭上, 好似人睡覺一樣, 我有時會幫你蓋帔, 真的當你小孩一樣地一齊睡, 我會攬住你, 頭貼頭地睡, 你透出的氣會直接噴在我面上, 過一會你就會起身去窗台睡, 或者落地下睡.
還記得你媽媽之前問過你, 可否陪她到18歲嗎?你好像無答覆佢, 是否你當時也覺得不能確定你能否到18歲呢?

你一向都不是太鐘意和其他狗玩, 見到普通狗就會兇佢, 見到大過你的狗就扮睇不到, 直行直過, 真的給你氣壞.
你和un豬感情一般, 細個時都幾好, un豬還會幫你洗牙. 但大大下, un豬就好像怕了你, 可能因為有幾次為左小食和小氣而打交, un豬便開始怕怕地你了, 很多時都睇了你眼色先, 你ok他才上sofa, 見你眼色唔對, 他就唔敢上來. 明明un豬係一家o既大哥, 也被你食住他, 現在你才是大阿哥, 不過你現在走了, 見到fefe妹, 你可以也會俾她食番住呢, 以前你很怕fefe妹, 雖然她是很細隻的西施, 但當她wow你, 你也會怕了她呢, 想起都好笑, 你那麼大隻也會怕了fefe妹.

而和你最friend的一定係朱古力了, 你由細睇到他大, 他也當了你是大佬呢, 跟出跟入, 而且成日訓在你身旁, 一齊飲水, 引你和他玩. 朱古力現在也很掛念你呢, 時常望向你房睡覺的地方.

其實對你而言, 我是否一個好主人, 我很少帶你去街, 也很少和你玩, 和你玩你有時都唔理我, 仲有時會打你鬧你, 當同你剪腳底毛時, 你總是會又wow又咬, 我總是忍不住對你又打又鬧, 我是愛你的, 但你總有令我發惡的時候.
我只能俾我覺得最好的食物用品醫療你, 放工陪你, 有時同你傾下計, 攪下你, 打下你patpat. 雖然話係陪你, 但多數都係一齊睇電視, 但你的性格, 除左想食小食時會興奮下攪我俾小食你, 其他時間就算我想同你玩, 你都不太願意, 都係想訓地或sofa休息.

我最鐘意掃你肚楠, 當你訓在地上, 我行去你身邊, 示意你反身, 你便會反身四腳朝天對全我, 讓我在你肚上掃來掃去, 你舒服得令隻腳仔抓下抓下.

當我入房用電腦時, 你也會跟住我, 在我身旁休息, 當我出廳睇電視時, 你也會跟我出廳, 當我入廚房時, 你就更加留意我, 因為你想食小食, 如果不給你, 你會煩到我給你為止. 對你而言, 你生活在我家你覺得開心嗎?

現在你不在, un豬都食小好多小食了, 因為無你為他爭取.
現在你不在, 朱古力貓好像不太開心, 常常入睡房找你, 看著你平時訓的地方, 我們趕他, 他也不想出去, 好像不明白為何這幾天沒見到你, 很想等你回來. 我也很想等你回來呢.

有時諗, 是否你回光反照呢? 星期日當天你突然精神些, 聽到可以落街就立即屙屎屎, 抱你落床又識wow我, 餵你食藥時又識反抗, 用手打開我隻手, 真的很有力氣, 為何突然話走就走呢? 可幸的是我真的有帶你落街行了一個圈, 了左你的心願, 否則我一定會很後悔.

現在每朝早起床, 見到窗台沒有了你, 出到廳也沒有了你, 很失落.
回到家裡, 望到每一個角落總是有你的影子, 感覺見到你的殘影, 看到放在廳你的一張4R相, 我會不其言叫聲snoopy, 我知道我還未能放下.

英曲大聯盟, 是我為了你而成立的, 希望你多一些同類的朋友, 希望英曲多些人主意, 希望小些英曲被人遺棄, 希望多些人知道你是英曲大聯盟的Snoopy, 你編號係No.1, 係英曲大聯盟的大哥大啊.

在9周年活動前一個星期你就走左, 留下我和你媽媽, 我們還要準備活動的事, 真的很無奈及痛苦, 但也要完成這件事, 因為不能取消呢.
9月19日放工我們去買活動禮物時, 還幫你買了支沖涼液, 諗住幫你遲些沖涼用, 現在你已走了, 我們只好當是你送給其他狗狗的最後禮物吧, 我只好這樣想令自己心情好一些.

希望時間會令我慢慢接受你的離去, 慢慢接受你已住在我心內, 希望你去到另一個世界會更開心. 我會好好照顧un豬, ballball, 黑咪同朱古力, 希望到我離開的時候, 會見到你同fefe,檬檬黎接我啦, 你要記住啊, 死佬py.

永遠愛你的老豆上




2011-9-22 02:14 PM#1
查看資料  訪問主頁  Blog  發短消息  頂部
 
Hinckley (我們這一「家」)
英曲班主任
Rank: 9Rank: 9Rank: 9Rank: 9Rank: 9Rank: 9Rank: 9Rank: 9Rank: 9


UID 2025
精華 0
積分 713
帖子 700
閱讀權限 250
註冊 2007-2-9
所養英曲名稱:男-仔仔,Happy仔 / 女-囡囡,Shirley婆婆
英曲會員編號:618
狗狗性別:童男童女
狗狗出生日期:仔仔-天秤座/囡囡-天蠍座/Happy仔&Shirley婆婆不?
狗狗最喜歡:仔=鍾意錫人/囡=鍾意人抱抱
狗狗最討厭:仔=唔理佢/囡=唔抱佢
狗狗技能:Sit,R&L hand,Stay簡單指令
狗狗性格:仔仔-大哥款/囡囡-嗲嗲扭擰/Happy仔-大陸仔出省城/Shi
居住地區:銀行系其中一棵行星地球上一處荒島叫青衣
來自Joyful Pet's house
狀態 離線
Don't be self-blame, we are proud of you. And you should proud of him.. your lovely boy!



[在新視窗顯示]

http://www.joyfulpets-house.com
2011-9-23 12:18 AM#2
查看資料  訪問主頁  Blog  發短消息  頂部
 
djela (dj)
英曲導師
Rank: 8Rank: 8Rank: 8Rank: 8Rank: 8Rank: 8Rank: 8Rank: 8


UID 619
精華 0
積分 383
帖子 455
閱讀權限 250
註冊 2006-7-2
所養英曲名稱:朱古力
英曲會員編號:160
狗狗性別:female
狗狗出生日期:2001-05
狗狗最喜歡:食無營養的食物
狗狗最討厭:我們回家後再出街
狗狗技能:很多
狗狗性格:和人一樣
居住地區:筲箕灣
來自歡樂天地
狀態 離線


QUOTE:
原帖由 PHILIP 於 2011-9-22 14:14 發表
Snoopy你離開左我幾日了, 我都仲未接受到, 腦內時常出現你o既畫面, 點解你o甘忍心離開我呢, 我一直都想你能夠陪伴我至少到你13-14歲後, 而且你一直好健康, 我已經盡量俾最好而有益o既食物你, 年年驗身, 從來無諗過 ...
PHILIP...你已經做得好好...不用自責...
你和你太太都為佢做左好野....

((沒有人))可以做每一件事都是完美....

你們是一個好盡責的狗主!!!




customavatars/619.jpg
2011-9-23 01:00 AM#3
查看資料  訪問主頁  Blog  發短消息  頂部
 
coke (coke 媽)
英曲大學生
Rank: 6Rank: 6Rank: 6Rank: 6Rank: 6Rank: 6


UID 7923
精華 0
積分 266
帖子 276
閱讀權限 250
註冊 2007-12-18
所養英曲名稱:coke
英曲會員編號:
狗狗性別:male
狗狗出生日期:july 2004
狗狗最喜歡:食嘢
狗狗最討厭:去獸醫度. 俾爸爸雞毛掃伺候
狗狗技能:一有野食就做乜都得
狗狗性格:懶玩,超級”為”食,勁嗲
居住地區:Chai Wan
來自
狀態 離線
保重!!
Snoopy 也會永遠記得爸爸媽咪的,他在彩虹橋會好好生活的,不要自責!




IMG]http://i164.photobucket.com/albums/u20/cat1224_bucket/1022322386.jpg[/IMG]
2011-9-24 12:47 PM#4
查看資料  Blog  發短消息  頂部
       


  可打印版本 | 推薦給朋友 | 訂閱主題 | 收藏主題  


 


本论坛支付平台由支付宝提供
携手打造安全诚信的交易社区   Powered by Discuz! 4.1.0  © 2001-2006 Comsenz Inc.
Processed in 0.063383 second(s), 7 queries

所有時間為 GMT+8, 現在時間是 2024-5-25 03:07 AM 清除 Cookies - 聯繫我們 - 英曲大聯盟 - Archiver