pina
(Miko媽)
英曲BB班
UID 1159
精華
0
積分 14
帖子 14
閱讀權限 250
註冊 2006-11-3
所養英曲名稱:Miko
英曲會員編號:
狗狗性別:F
狗狗出生日期:2 June 99
狗狗最喜歡:扮傻, 食生果, 厠紙筒, 波波...
狗狗最討厭:比人話佢臭臭, 打雷, 曱由
狗狗技能:kiss kiss攻擊
狗狗性格:勁開心+活潑
居住地區:九龍灣
來自
狀態 離線
|
講開徐正雄呢......佢以前好唔好我唔係好清楚, 但係我响早幾個月前同個街坊傾開計之後, 我就覺得佢好似好有問題, 雖然我係聽返嚟既, 不過你地可以參考一吓.
話說早幾個月前, 因為Miko表演生吞牙籤, 仲要係3吋長兩頭尖果隻, 所以嗱嗱啉搵我同佢睇開既醫生做手術攞返支牙籤出嚟, 順便做埋絕育. 咁我樓下開雜貨店既街坊見到Miko帶住個大喇叭, 就同我傾開醫生既問題, 佢話比我知近排有3個街坊不約而同咁搵徐正雄同佢地D仔仔女女做絕育手術, 點知就一睡不醒, 就咁去咗.....
果幾個街坊同佢講, 醫生話個手術好成功, 不過可能D狗仔身體太弱承受唔到個手術, 所以醒唔返, 唔關個手術事. 不過, 個醫生事前跟本冇同佢地講過做手術會有乜風險, 更加冇同佢地D仔仔女女詳細檢查, 以防佢地既體質承受唔到個手術或麻醉藥既帶來既負荷. 而且, 果度D醫生同護士, 問佢地野都10問9唔應, 態度極差, 又串. 另外, 佢地3隻狗仔, 1個1歲幾,另外2個都係得7-9個月大一向都好健康, 之前無論有乜病痛, 打預防針都係搵徐正雄添.
聽到D咁既事, 我地都覺得呢個醫生好唔負責任, 我個街坊都好煩惱咁想同佢既仔仔轉醫生, 所以我介紹我個醫生比佢囉. 在我個人認為, 醫生好定唔好, 可大可小, 一定要小心為妙.
我Miko就睇開九龍城獸醫診所足足7年, 小至預防針, 大至做手術, 我都係搵佢地架, 佢地無論係醫生或護士都好好傾, 有問題仲會好詳細咁答你(就算向電話問都係). 老實講, 其實我係個緊張大帥, 就好似由Miko生吞牙籤做手術前, 以及做手術後, 我都好擔心咁一日打成十幾個電話問長問短, 我諗我已經同佢地每一個人傾過, 佢地不單止一樣咁詳細解釋比我知, 仲安慰我添.
另外, 我個朋友隻西施仔仔下半身唔陏得, 我打電話去問, 經佢地响電話度初部了解, 佢地話好大機會係軟骨移位, 叫我地快D去搵麥子健(佢做呢種術好有經驗). 我覺得佢地最難得就係就算冇幫襯, 佢地都會同你傾, 仲好詳細咁解釋你想知既野比你聽.
講明先, 我同我睇開果間獸醫一D關係都冇, 亦冇賣廣告既意思, 我只係覺得佢地真係好好, 又細心又唔怕你煩, 又有愛心, 而且收費又唔係好貴, 所以我先將我既親身經歷同你地分享一下. 
| 
~ www.mymiko.com ~ |
|
